Një tërmet i fuqishëm ndodhi në rajonin Sumbawa, në Indonezi. Lëkundjet janë ndjerë edhe në ishullin e Balit ku qindra turistë kanë përjetuar momente të tmerrshme.
Raportet fillestare nga ishulli indonezian thonë se tërmeti ka qenë me magnitudë 7 ballë dhe autoritetet kanë lëshuar një paralajmërim për cunam.
Njerëzit që kanë përjetuar tmerrin e lëkundjeve kanë ndarë tronditjen e tyre në rrjetet sociale.
Nuk ka ende detaje rreth viktimave apo dëmeve të shkaktuara nga tërmeti, i cili ndodhi rreth orës 19:45 me orën lokale.
