Fituesi i shumë medaljeve ndërkombtare dhe kampioni i Evropës në Muay Thai, Ervis Bici së bashku me mikun e tij Dod Doçi, si dhe me ndihmesë të federatës amatore të MMA-së së Shqipërisë me kryetarin Arjan Rizaj, do të organizojnë për herë të parë një event interesant në plazhin e Gjirit të Lalzit (Lura 2) më 11 dhe 12 gusht ku do paraqiten emra të mëdhenj evropian nga sportet si Muay Thai, K1 e MMA, respektivisht luftarët do vijnë nga shtete si Kosova , Italia , Franca , Zvicra, Serbia, Maqedonia, Bullgaria e Shqipëria.
“Eventin e kam organizuar së bashku me mikun tim Doçi, kurse qëllimi i këtij eventi është që të frymëzojmë rinin shqiptare me sportin, ku energja dhe vullneti është i pafund. Mendoj se evinimenti do jetë tradicional dhe do mundohemi ti bëjm më shumë se 1 deri 4 evente në vit”, thotë Bici, duke shtuar se në evinimentin e parë, të shtunën do të zhvillohen 9 ndeshje në Muay Thai dhe K1, kurse të dielën do të ketë ndeshje në MMA
“Në natën e parë do të kemi 9 ndeshje që do ndeshen në disiplinën Muay Thai dhe K1 edhe atë në një nivel shumë të lartë professional. Do jenë të gjithë emëra të mëdhenj me shpirt luftarak të fort. Ku vërtet do jetë një spektakël. Por mendoj që Bleon Hoxha djaloshi nga Kosova do të na dhuroj një spektakël kundra francezit”, thotë kampioni evropian, Bici. Ndryshe, ai shton se nuk kanë pasur shumë ndihmesa financarë sepse edhe nuk e kanë kërkuar të njejtën.
“Nuk kemi marë ndihma se thjesht është një organizim me bashkpunim me mikun tim Dod Doçi tek Kompleksi Lura. Kemi ftuar shumë shtete nga Evropa si dhe nga Shqipëria që do ndeshen dhe do na japing një mbrëmje të paharuar”. Në pyetjen tonë se di do jenë planet e Bicit për të ardhmen, ai u përgjegj se pak është i prekupuar edhe me hapjen e palestrës së tij në Itali. “Planet e mija për të ardhmen janë që në shtator, me shpres të zotit të bëj hapjen e palestrës simë në Itali, ku palestra do quhet Shqiponja e Zezë. Synimi im është poashtu të organzoj evenetë tjera ku talentet shqiptar do të marrin pjesë edhe jashtë vendit”.
Në fund ai apelon që të vijnë sa më shumë spectator si në natën parë ashtu edhe të dyten sepse më të vërtet do kenë se qka të përcjellin, poashtu Ervis Bici na njofton se ka interes të madh nga mediat shqiptare, kurse eventi live do të transmetohet edhe në portalin e specializuar për sporte luftarake “ArenaRing” që do përcjell nga afër këtë event si dhe në faqën “Ervis Bici- Shqiponja e zezë”. Cekim edhe njëher se të shtunën më 11 gusht do të zhvillohen 9 ndeshje në Muay Thai dhe K1, kurse të dielën do të zhvillohen mbi 40 ndeshje në MMA, ku do i jepet mundësi sicilit që dëshiron të ndeshet.
