Kreu i grupit parlamentar të LSI-së, Petrit Vasili i ka dhënë një përgjigje presidentit të Kosovës, Hashim Thaçi në lidhje me nismën e tij për ndryshimin e kufijve dhe sulmin e bërë ndaj ish-kryeministrit Sali Berisha.
‘Kufijtë janë në rregull ndërsa ekonomia jo, ndërsa ‘hallet’ e vetes të mos i bëjmë të shqiptarëve’, shkruan Vasili në Facebook si përgjigje ndaj sulmit të djeshëm të Thaçit.
Ja çfarë shkruan Petrit Vasili në Facebook:
Kufijtë janë në rregull.
Luftëra të mëdha kanë përcaktuar fituesit dhe humbësit, kanë përcaktuar dhe kufijtë e fituar, kanë përcaktuar dhe shqiptarët si fitues.
Dhe fituesi duhet të sillet si fitues e kundërta është faj.
Ekonomia nuk është në rregull as në Shqipëri dhe as në Kosovë.
Është në krizë ekonomia.
Është i madh korrupsioni.
Pastrohen edhe para të pista shumë bile.
Shqiptaret këndej dhe andej kufirit presin ekonomi shumë herë më të mirë dhe më të fortë.
Kush i lë shqiptarët të varfër është armik i tyre.
Sa për kufijtë ata mirë janë, na duhet vetëm që t’i mbrojmë si duhet.
‘Hallet’ e vetes të mos i bëjmë halle të shqiptarëve.
