Trajneri i Juventusit, Massimiliano Allegri, ka konfirmuar se nuk do të ketë transferime të reja në Juventus këtë verë. Ai ka thënë se Juventusi është mjaftueshëm pretendentë për tituj edhe pa bërë blerje të tjera.
Këtë afat kalimtar, Juventusi ka transferuar Cristiano Ronaldon, Leonardo Bonuccin dhe Joao Cancelon. Këto transferime e kanë kompletuar skuadrën e Zonjës së Vjetër dhe Allegri nuk dëshiron lojtarë të rinj në skuadër.
“Klubi tanimë e ka bërë atë që e ka pasur detyrë. Blerje të tjera? Jemi mjaftueshëm pretendentë kështu si jemi dhe unë mezi po pres të fillojë sezoni dhe t’i kem të gjithë lojtarët së bashku”, ka thënë Allegri.
“Do të jetë një sezon mjaft i vështirë, kështu që ne kemi nevojë për të gjithë. Disa lojtarë të rinj kanë shfaqur shumë talent në SHBA, kështu që edhe ata mund të gjejnë vend në ekip të parë”.
