Halli më i bezdisshëm dhe i shpifur gjatë verës është djersitja. Pamja me njolla dhe era e keqe e bëjnë një shqetësim për të gjithë.
Mirëpo djersa është një produkt i mekanizmit të trupit, për të rregulluar temperaturën e trupit, si dhe për të luftuar infeksionet. Një përbërës i njohur i djersës është ‘dermcidin’, që pengon hyrjen e baktereve në trup, të cilat shkaktojnë infeksione të dëmshme.
Deodorantët e zakonshëm bëjnë më tepër dëm, sepse pengojnë procesin natyror të djersitjes. Ata bllokojnë kanalet e djersës me toksinat që përmbajnë, si alumini dhe zhvillojnë baktere, të cilat më pas hyjnë në gjak.
Në fakt, era e keqe nuk shkaktohet nga djersitja, por është rezultat i baktereve që nuk shkatërrohen nga ‘dermcidin-i’. Deodorantët kanë kimikate të rrezikshme dhe toksina, që rrezikojnë shëndetin dhe çojnë në kushte të ndryshme shëndetësore.
Për këtë arsye ju vjen në ndihmë zgjidhja me produkte natyrale.
Limoni jeshil është jashtëzakonisht i fuqishëm në eliminimin e erës së trupit dhe është një produkt tërësisht natyral dhe i sigurt. Prisni një limon jeshil të freskët në gjysmë dhe fshini pjesët nën sqetull. Lërini sqetullat të thahen dhe pastaj vishni bluzën tuaj. Aroma e limonit të freskët do të zgjasë tërë ditën dhe ju nuk do të keni njolla në rroba. Në këtë mënyrë, ju natyrisht do të shkatërroni bakteret e dëmshme dhe do të shpëtoni nga era e keqe.
Një fetë limoni mund të jetë e mjaftueshme për disa ditë, prandaj sigurohuni të mbani gjithmonë limonë jeshilë në shtëpi.
