Një denoncim i mbërritur në adresën e ish-kryeministrit Sali Berisha, flet për korrupsion në burgjet e Shqipërisë. Në mesazhin të cilin Berusha e ka bërë publik në rrjetin social “Facebook”, i afërimi një dënuari në Shënkoll thotë se për të plotësuar kërkesat për leje, zyrtarët në burgje duan ryshfet.
Ai thotë se një tjetër problem është edhe mënyra e transportimit të të arrestuave nëpër gjykata.
Korrupsion, shkelje të drejtash dhe krim shteteror në burgjet e Shqipërisë!
Lexoni mesazhin e qytetarit dixhital. sb
“Mirëmbrema doktor jam një i afërm i një të burgosuri në Shënkoll. Du të ju vë në dijeni se kemi një skandal me lejet e të burgosurve. Që në tetor ka dalë një urdher nga Drejtori i Përgjithshëm se, kujt i vjen një herë negative letra e komisariatit për lejen e të burgosurit, për të dërguar kërkesë të dytë do të kalojnë 6 muaj. Dhe ka me qindra kërkesa në zyrat e komisariateve që nuk kthejnë përgjigje ose si marrin parasysh fare, dhe të burgosur pa asnjë masë displinore nuk përfitojnë leje. Janë në mëshirë të komisariateve që duan ndonjë ryshfet por më shumë problematike situata është në burgun e Shënkollit.
Dhe një tjetër problem që është me udhëtimin e të burgosuve nëpër gjykata. Që janë të lidhur me duar mbrapa dhe pa rrip sigurimi, dhe në raste frenimi ose aksidenti të burgosurit përplasen si bagëtite ne furgon. Ky eshte shteti i se drejtes qe don te hyje ne bashkimin evropian avukati popullit ku eshte, prandaj po ju drejtohem ju qe ta publikoni, respekte anonim ju lutem”
