Kompanitë celulare po na vjedhin çdo ditë. Është bërë e përditshme tashmë të dëgjojmë qytetarë të ndryshëm të cilët ankohen për tarifat stratosferike dhe ofertat mashtruese të kompanive të telefonisë celulare në vendin tonë. Por pafuqisë së abonentëve për të sfiduar kompanitë e fuqishme të telefonisë, përsa kohë mes tyre nuk ka konkurrencë, por nën rrogoz ia kanë dalë të lidhin një pakt të pazgjidhshëm në kurriz të qytetarëve, duke ndarë fitimet e majme, i shtohet edhe indiferenca e shtetit, i cili në fakt është i blerë nga këto oligopole që veprojnë prej vitesh në tregun shqiptar.
Jo pa qëllim shqetësimi i ngritur ditën e sotme nga gazetari Aulon Kalaja, është shqetësimi i të gjithë qytetarëve të këtij vendi, abonente të njërës apo tjetrës kompani telefonie. Çmime stratosferike për një telefonatë, mesazh apo dhe abuzimet me ofertat mujore të internetit, janë ato që sot kompanitë si Vodafone, Eagle Mobile apo dhe Telekom Albania, iu ofrojnë abonentëve, një vjedhje e hapur e xhepave të tyre.
“Para 1 muaji kam denoncuar rritjen cmimit te ofertave, ku tre kompanite e telefonise celulare “Vodafone, T-Mobile dhe Eagle” (sepse Plus-in e mbyllen keta me levat e tyre ne shtet), rane dakort qe te rrisin cmimet dhe t’i pijne gjakun ketij populli te varfer dhe te vuajtur. Flisni o njerez, sepse eshte e drejta juaj. Mos lejoni t’ju vjedhin!“, shkruan gazetari Aulon Kalaja.
Postimi i gazetarit Aulon Kalaja:
Vjedhja vazhdon! Askush nuk e can koken dhe vjedhja thellohet. Pervecse kane shtrenjtuar cmimet e ofertave mujore, kompanite e telefonise celulare, vazhdojne te vjedhin tek interneti. Kujt nga juve i ka mbaruar oferta e internetit para se t’i mbaroj oferta?! Tek shume prej jush ka ndodhur kjo, besoj.
Jemi detyruar te bejme oferta shtese, duke blere internet edhe pse oferta nuk ka mbaruar. Interneti mbaron me shpejt se sa mbaronte me pare. Pse?! Ka shkuar me shume se 25 mije leke oferta, bashke me shtesat. Me lire ben te lidhesh internetin ne shtepi a zyre. E cuditshme!
Para 1 muaji kam denoncuar rritjen cmimit te ofertave, ku tre kompanite e telefonise celulare “Vodafone, T-Mobile dhe Eagle” (sepse Plus-in e mbyllen keta me levat e tyre ne shtet), rane dakort qe te rrisin cmimet dhe t’i pijne gjakun ketij populli te varfer dhe te vuajtur. Flisni o njerez, sepse eshte e drejta juaj. Mos lejoni t’ju vjedhin!