Një videoklip i veçantë. Këngëtarja shqiptare me famë botërore, Era Istrefi, pas suksesit të saj me “Live It Up” në Kampionatin Botëror “Russia2018”, po vazhdon të korrë suksese me projekte të reja.
Pas publikimit të projektit “Prisoner” me videoklip, i cili u xhirua në Xhamajka, Era Istrefi ka sjellë këngë e radhës.
Ndonëse ishte planifikuar për nesër, në kanalin zyrtarë të Ultra Music është publikuar kënga e re nga Era, e cila titullohet “Oh God” dhe është në bashkëpunim me artistin e njohur xhamajkan, Konshens, i cili është mjaft i pëlqyer në gjithë botën.
Me një videoklip të veçantë është shoqëruar kënga e re e Erës dhe Konshens, e cila pritet të ketë një sukses të madh. Këngëtarja shqiptare shfaqet shumë seksi në këtë videoklip.
