Dukej gjithçka e mbyllur, kanë ardhur edhe komunikatat zyrtare të dy klubeve që kanë konfirmuar marrëveshjen. Por, kur tifozët ishin grumbulluar në aeroport për të pritur zbarkimin e Malcom në Romë, gjithçka është përmbysur.
Bordeaux, që ka lajmëruar e para arritjen e marrëveshjes me verdhekuqtë, ka marrë një ofertë më të lartë nga Barcelona dhe ka vendosur të bllokojë gjithçka, duke befasuar Monchi-n dhe gjithë popullin romanist.
Ai i Malcom nuk është operacioni i parë që ndryshon rrugë në kthesën e fundit. Në verën e 2015-ës, Fiorentina kishte arritur marrëveshjen për një mesfushor 20-vjeçar të Genk. Serbi ka shkuar në stadiumin e ekipit vjollcë, ka pozuar për disa fotografi dhe ka shkuar në zyrat e klubit për të nënshkruar kontratën.
Në momentit e fundit ka filluar të qajë: “Më falni, por nuk mundem, nuk mundem me të vërtetë…”. Ai djalosh ishte Sergej Milinkovic-Savic, që pak ditë më pas do të kalonte te Lazio.
Tre vite më parë, në fundin e gushtit të 2012-ës, një rast i ngjashëm i ka ndodhur Fiorentina-s, shkruan telesport. Vëllezërit Della Valle kanë arritur marrëveshjen për të marrë në Itali, Dimitar Berbatov, dhe kanë prenotuar një avion privat që do ta ulte në Firence për të zyrtarizuar
blerjen.
Në momentin e fundit ka ndërhyrë Juventus, që ka bindur bullgarin me një ofertë më të larë. Ka qenë një befasi, por jo e vetmja. Pasi ka zbarkuar në Bavari, në fakt, Berbatov, ka vendosur të ndryshojë destinacion dhe të kthehet në Angli, te Fulham, duke ndezur një luftë komunikatash zyrtare mes rivalëve të përjetshëm, Juventus dhe Fiorentina.
