Pas rënies nga Kategoria Superiore, një tjetër ‘goditje’ e rëndë për emrin e Vllaznisë është edhe postimi i fundit që klubi ka bërë në faqen zyrtare të tij “Facebook”. Përmes një njoftimi të bërë në këtë rrjet social, KF Vllaznia sh.a, ka shpallur dy vende të lira pune, për postin e Drejtorit Sportiv dhe Trajnerit. Një njoftim që ngjan si në sajtet ku ‘kërkohet punë”. Në rastin e një ekipi kaq legjendar si klubi shkodran, natyrisht që një njoftim i tillë është cilësuar ‘turp’ nga tifozët që nuk i kanë përmbajtur dot reagimet e tyre.
Suad Lici u emërua pak ditë më parë administrator i kuqebluve ndërsa u përfol shumë në media për emërimin e ‘munguar’ të ish-trajnerit të Partizanit, Kukësit dhe Luftëtarit, Hasan Lika. Por, duket që palët nuk kanë rënë dakord dhe tani Vllaznia mbetet në duart e kandidatëve që do të dërgojnë ‘CV’ në adresën që drejtuesit e klubit kanë postuar në “Facebook”.
Postimi i plotë
NJOFTIM
KF Vllaznia sh.a, duke parë interesin e lartë dhe për të ofruar mundësi të barabarta, fton të gjithë të interesuarit për pozicionet:
- Drejtor Sportiv
- Trajner i ekipit Vllaznia
të dorëzojnë një Curriculum Vitae dhe një platformë pune në adresën e-mail: [email protected] ose dorazi pranë zyrës së Klubit në ambjentet e Bashkisë Shkodër. Afati për dorëzimin e materialeve të kërkuara është dita e premte, datë 27.07.2018, ora 12.00.
Reagimet e tifozëve
Reagimi i tifozëve shkodranë përmes faqes që menaxhojnë
