Universiteti i Tiranës ka publikuar kuotat dhe tarifat e shkollimit për programet e ciklit të parë të studimit(bachelor), për vitin akademik 2018-2019.
Kështu, pranimet në degët e studimit në Fakultetin e Histori-Filologjisë shkojnë nga 100-180. Fakulteti i Shkencave të Natyrës pranon 100 studentë në të gjitha degët e tij përveçse degës së informatikës ku numri i pranimeve shkon në 200 studentë.
Gjuhët e huaja do të pranojnë nga 80 deri në 240 studentë për degë të caktuara ndërsa pranimi në Shkencat sociale shkon nga 90 deri në 110 studentë.
Fakulteti i Ekonomisë do të pranojë 110 deri në 460 ndërsa ai i drejtësisë do të pranojë një numër prej 700 studentësh. Ndërsa filiali i UT-së në Sarandë do të pranojë nga 50-75 studentë në degët e administrimit biznes dhe gjuhë angleze.
