Ambasada shqiptare në Athinë zyrtarisht nuk konfirmon asnjë viktimë nga komuniteti shqiptar që jeton në zonat e prekura nga zjarret.
Një përfaqësuese e Ambasadës në një lidhje telefonike për Ora News tha se vetëm, një shqiptar është i plagosur dhe nbdodhet i shtruar në spital.
“Jemi në kontakte me autoritetet greke. Deri tani nuk kemi identifikuar viktima nga komuniteti shqiptar.Në spitalin Evangjelizmos ndodhet i shtruar një shqiptar, për të cilin nuk kemi të dhëna për të. Një tjetër përfaqësues i Ambasadës i është drejtuar spitalit në Athinë për të marrë më tepër informacion. Nuk mund të flasim për viktima”.
Përfaqësuesja e Ambasadës tha më tej se në numrin e vënë në dispozicion prej tyre ka pasur telefonata, kryesisht familjarë të emigrantëve nga Shqipëria, media shqiptare që ka treguar interes për situatën por denoncime për raste të veçanta nuk ka pasur.
