Policia besohet të ketë identifikuar autorët e dyshuar të sulmit me Novichok ndaj një ish-spiuni rus dhe vajzës së tij në Salisbury në mars, sipas raporteve.
“Disa rusë u përfshinë në ‘vrasjen në tentativë’ të Sergei dhe Julia Skripal”, shkruan BBC.
Ata mendohet se janë identifikuar përmes CCTV, kontrolli i të dhënave në hyrjen kufitare.
Më parë këtë muaj, Dawn Sturgess, 44 vjeç, vdiq pasi u helmua nga agjenti nervor, i quajtur Novichok.
Ajo dhe partneri i saj, Charlie Rowley, 45 vjeç, u sëmurën më 30 qershor në Amesbury, Wiltshire. Ai mbetet i sëmurë rëndë në spital.
Policia beson se incidentet janë të lidhura. Qeveria e Britanisë së Madhe ka fajësuar Rusinë, por autoritetet e vendit mohojnë çdo përfshirje.
I pyetur për zhvillimet e fundit, ambasadori rus në Mbretërinë e Bashkuar Alexander Yakovenko i tha BBC: “Për fat të keq, ne nuk kemi deklaratë zyrtare të palës britanike.
“Dua ta dëgjoj atë nga Zyra e Skocisë ose nga Zyra e Jashtme. Shumë versione që dëgjojmë në gazeta, nuk janë të mbështetura nga Zyra e Jashtme”.
Z. Skripal, 66 vjeç, dhe vajza e tij, 33 vjeç, të cilët u gjetën të rrëzuar në një stol në Salisbury më 4 mars, kanë dalë nga spitali dhe janë spostuar në vende të sigurta
