Njerëzit që duan të humbasin në peshë e kanë kuptuar gabim, pasi të dobësohesh nuk është të mos ushqehesh, por të ushqehesh shëndetshëm. Dieta e ujit e vë trupin tuaj në një situatë ‘agjërimi’, ku nuk merrni as vlerat minimale ushqyese dhe kjo është shumë e dëmshme. Sipas ekspertëve kur trupi nuk ushqehet përdor përdor burimet e trupit të proteinave dhe lipoideve.
Mungesa e të ushqyerit për periudha të gjata kohore mund të rezultojë me simptoma si: lodhja, nervozizmi, ankthi, rënia e presionit të gjakut, madje edhe aritmia e zemrës, konfuzionet apo humbja e vetëdijes. kështu që asnjë nga dietologët nuk e këshillon këtë mënyrë të humburi në peshë, pasi ju humbisni kilogramë si pasojë e mosushqyerjes për periudha të zgjatura kohore dhe kjo gjë është jashtëzakonisht e dëmshme për shëndetin. Kështu që vendosni një dietë të ekuilibruar, alternojeni me stërvitje dhe do të arrini rezultate të dëshiriuara.
