Një prej kompanive të investimit të miliarderit amerikan Bill Gates do të shpenzojë rreth 80 milionë dollarë për zhvillimin e një qyteti me teknologji të lartë pranë Phoenix, Arizona.
Komuniteti i ri do të dizajnohet për të shfrytëzuar rrjetet me shpejtësi të lartë dhe do të përfshijë automjete autonome, rrjete dixhitale, qendra të dhënash, teknologji të reja prodhimi, si dhe porta logjistike autonome.
Qyteti pritet të presë rreth 200 mijë banorë, ndërsa do të përfitojë nga fakti se Arizona është një shtet shumë miqësor me teknologjinë, duke tërhequr mjaft lojtarë nga fusha e automjeteve pa shoferë, si Waymo, Uber dhe Intel.
“Përfytyrimi i infrastrukturës së të ardhmes nga zeroja është shumë më i lehtë dhe më me pak kosto se sa rikonceptimi i një shtrese ekzistuese urbane. Megjithatë ky është një investim afatgjatë që kërkon shumë durim”, u shpreh një zëdhënës i kompanisë që do të bëjë investimin.
Projekti po konceptohet si një largje model e shekullit të 21-të, me ndotje të reduktuar, me rrugë më të sigurta, me mot më të mirë dhe udhëtime më të shkurtra. Transporti do të bazohet tërësisht tek automjetet elektrike, biçikletat dhe këmbësorët. Zonat më fleksibël do të mund të shkrijnë sipërfaqet tregtare, industriale dhe ato të banimit.
Qytetet e zgjuara po marrin një vëmendje të madhe kohët e fundit, si në Sillicon Valley, ku ndodhet kompanitë më të mëdha teknologjike në SHBA, ashtu edhe në Arabinë Saudite dhe Kanada.
