Ish-kryebashkiaku i Kavajës Elvis Rroshi ka pranuar sot akuzën për falsifikim të të dhënave të paraqitura në formularin e dekriminalizimit.
“Plotësimi i gabuar i formularit ka ardhur për shkak të neglizhencës”, është shprehur Roshi. Prokuroria ka kërkuar dy ditë kohë për të përgatitur pretencën për Elvis Roshin.
Në formularin e dekriminalizimit, Roshi kishte shënuar se nuk kishte patur precedentë të mëparshëm penale. Por, nga verifikimi i Prokurorisë rezultoi se kishte patur disa masa sigurimi, ndalime dhe dëbime në Itali, Zvicër dhe Gjermani.
Rroshi po gjykohet në Gjykatën e Rrethit Tiranë.
Ish-kryebashkiaku, i përzgjedhuri i kryeministrit Edi Rama, u detyrua të japë dorëheqjen pasi opozita i zbuloi atij rekordet kriminale në të kaluarën, dënimin në Itali për përdhunim në grup dhe ndryshimin disa herë të emrit. Rroshi rezultonte me precedentë në disa shtete si Itali, Zvicër e Gjermani.
