Të paktën 24 persona kanë humbur jetën dhe dhjetëra të tjerë janë plagosur pasditen e së dielës kur një tren që udhëtonte nga Uzunkopru për në Stamboll të Turqisë doli nga shinat.
Teksa Turqia në njërën anë është në zi për 24 jetët e humbura, media vendase zbulon identitetin e disa prej viktimave.
Në mesin e 24 viktimave ishin edhe dy motrat Ozge Nur Dikmen dhe Gulce Dikmen si dhe kushërira e tyre Sena Kose.
Tri të rejat sëbashku me nënën e dy motrave ishin nisur nga Uzunkopru për tek tezja e tyre në Çerkezköy.
Por gjithçka përfundoi pas daljes së trenit me mbi 360 pasagjerë nga shinat, tri të rejat humbën jetën, ndërsa nëna e dy motrave mbijetoi e plagosur.
Fatkeqësisht treni doli nga shinat dhe tri të rejat humbën jetën, ndërsa nëna e dy motrave mbijetoi e plagosur.
Shkak për daljen nga shinat të 6 vagonëve të trenit deri më tani ka rezultuar dëmtimi i trasesë së shinave si pasojë e reshjeve të dendura të shiut.
