Çdo informacion tregon për largimin e Cristiano Ronaldos nga Real Madridi në ditët në vazhdim, dhe për këtë arsyeje dyqani zyrtar i klubit në “Santiago Bernabeu” është duke pasur më pak shitje të fanellave të portugezit, edhe pse fanella e tij ende mbetet ndër më të shiturat
Një përkrahës i Realit doli nga dyqani bashkë me dy fëmijët e vet, të gjithë e kishin veshur fanellën e kapitenit, Sergio Ramosit, transmeton Gazeta Express.
“Cristiano Ronaldo ka dhënë gjithçka për Real Madridin dhe ka ardhur koha që ai të largohet nga klubi”, tha ai.
Fanella e Ramosit është më e shitura në dyqanin zyrtar të klubit, sipas studimit të të përditshmes spanjolle “Marca”.
Ndërsa e dyta më e shitura është ajo e fantazistit spanjoll, Iscos.
Megjithatë, shumica e përkrahësve e blejnë fanellën e Realit pa emrin e ndonjë lojtarit në shpinë.
Por, ajo që është e qartë është se lajmet që e lidhin Ronaldon me Juventusin janë duke pasur ndikim në shitjen e fanellave të tij.
