Neymar është në qendër të sulmeve për shkak të faulleve të shumta që merr dhe madje edhe për simulimet që bën.
Rasti më i fundit ishte kundër Meksikës ku ai më shumë u duk sikur shtirej sesa një dëmtim i vërtetë.
Ai së fundmi edhe në stërvitje ka ironizuar me mediat, duke simuluar si i dëmtuar po kjo gjë nuk është pëlqyer nga bota e sportit.
Neymar këtë sjelle duket se e ka bërë edhe vite më parë dhe nuk është diçka e re, kujtojmë se madje, edhe trajneri i tij aktual Adenor Baçhi ‘Tite’, në vitin 2012 ka kritikuar sjelljen e tij.
“Të fitosh ose të humbësh është pjesë e lojës, por të shtiresh dhe të përpiqesh të përfitosh nuk është pjesë e lojës. Ai është një shembull i keq për fëmijët, për djalin tim, për ata që shohin këtë dhe mendojnë se është mirë të përfitosh ndaj të tjerëve”, deklaronte Tite pas një përballje mes Corinthians dhe Santos, kur të dy ishin kundërshtarë ndaj njëri-tjetrit.
Në atë ndeshje Neymar u akuzua për simulimin e një dëmtimi dhe Tite u përgjigj me një gjykim dhe vlerësim të ashpër.
