Lideri çeçen, Ramzan Kadyrov ka thënë sot për agjencinë e lajmeve “Sputnik” se po pret me padurim çerekfinalen e Kupës së Botës mes Rusisë dhe Kroacisë dhe se nuk ka asnjë dyshim në lidhje me kualifikimin e vendit organizator për në gjysmëfinalet e “Rusi 2018”.
Rusia mposhti Spanjën me penallti në “Luzhniki Stadium” dhe tani do të ndeshet me Kroacinë, të dielën në mëngjes në Sochi, pasi edhe kroatët patën nevojë për 11-metërshat që të vazhdonin më tej.
“Po pres me padurim ndeshjen mes Rusisë dhe Kroacisë dhe jam i bindur se skuadra e Stanislav Cherchesov do të fitojë. Unë gjithmonë kam qenë i bindur për aftësitë e kombëtares ruse dhe parashikimi im vazhdon të jetë i njëjtë, Rusia do të shkojë në gjysmëfinale,” – tha Kadirov.
