E ftuar në “Zonë e Lirë” Bleona Qereti, ka shpjeguar për herë të parë edhe ‘ngrirjen e vezëve’. Ajo u shpreh se për këtë ka ndodhur një keqkuptim i madh në median shqiptare, sepse çdo femër mund ta bëjë këtë, Bleona tha se e bëri këtë gjë pasi ajo nuk ka gjetur ende partnerin ideal dhe kohën e duhur për t’u bërë nënë.
“Unë këtë e kam bërë për të patur mundësi të bëhem nënë, vezët nuk ngrihen për të mos u bërë nënë. Me këtë që kam bërë është se unë nuk kam dashur të humb mundësinë të bëhem nënë. Si mund të keqkuptohen gjëra në këtë lloj pike”, u shpreh Belona.
Por Çani i sugjeron që të shikojnë dikë që e ka sfiduar publikisht për këtë çështje. Bëhet fjalë për aktorin i Humorit, Rezart Veleshnja, i cili i veshur si femër ka imituar pikërisht Bleonën për “ngrirjen e vesëve”.
Kjo gjë nuk i ka pëlqyer aspak Bleonës, e cila papritur është ngritur e indinjuar dhe ka tentuar të ikë nga emisioni.
Bleona ka kërkuar që video të ndërpritet pasi e ka quajtur këtë një skandal dhe banalitet. Pasi ka thënë se kjo duket shumë vulgare dhe ky është banalitet, Bleona ka tentuar të braktisë studion.
“Unë po flas për këtë fenomen ju vazhdoni akoma me banalitete idiote. Mirupafshim Arian”, u shpreh Belona.
Vetëm falë lutjeve të Çanit, këngëtarja e njohur shqiptare ka vendosur të mos ikë, por duke kërkuar që ky muhabet të mbyllet pasi është një “idiotësi”.
