Eliminimi i Gjermanisë që në fazën e grupeve është përjetuar shumë keq nga mbështetësit e “Die Mannschaft”.
Në grupin e kundërshtuesve është rreshtuar edhe partia e ekstremit të djathtë gjermane.
“Alternative fur Deutschland” nëpërmjet eksponentëve të saj ka kundërshtuar praninë e lojtarëve me origjinë jogjermane në ekipin kombëtar.
Sipas kësaj force politike, skuadra duhet t’i nënshtrohet një “katharsisis” dhe në skuadrën e re duhet të përfshihen vetëm lojtarë me origjinë vendëse.
“Në Botërorin tjetër duhet një skuadër vërtet gjermane”, ka kërkuar nëpërmjet “Twitter”-it Xhesika Bisman, teksa pas saj edhe deputeti ekstremist i djathtë, Jens Majer, ka thënë: “Pa Ozilin do të kishim fituar”, teksa në postimin e tij ka shtuar një foto të mesfushorit të Arsenalit të shoqëruar me një mesazh të qartë: “Je i lumtur presidenti im?”.
