Të arrestuarit mohojnë akuzat: Kishim dijeni vetëm për makinat, jo për 3.4 mln eurot

Katër personat e arrestuar për 3.4 milionë eurot e sekuestruara në portin e Durrësit vijojnë të mohojnë faktin se kanë pasur dijeni për paratë.

Gjatë marrjes në pyetje, ata kanë deklaruar se kanë pasur dijeni vetëm për makinat.

Të arrestuarit janë Edi dhe Klevis Lika, babë e bir. Edi Lika ka në pronësi një servis në autostradën Tiranë- Durrës, ndërsa së fundmi e ka zgjeruar aktivitetin e tij në transport ndërkombëtar mjetesh.

I biri, Klevis Lika kishte nisur punë si shofer shoqërues.

LEXO EDHE  Kush fshihet pas pseudonimit "Dragoi"? Agron Tufa publikon dokumentin e ish-spiunit të Sigurimit/ Emri

Ndërsa Agim Ceka 61-vjeç ishte shoferi kryesor i mjetit ‘Bizark’.

Alban Mollaymeri është pronari i një servisi në periferi të Tiranës.

Me 24 qershor, policia bllokoi në portin e Durrësit 3.366.800 euro,  100 euro që dyshohet të jenë të falsifikuara dhe 80,000 franga zvicerane.

Sasia e parave u gjet në dy makina “Toyota Yaris”. Elvis e Alfred Vladi, të dy nga Peshkopia, janë personat që sipas policisë kanë porositur ngarkesën me euro.



PËRGJIGJU

Please enter your comment!
Please enter your name here