Përfaqësues të vende të BE-së diskutojnë këtë të martë nëse do të hapin dritën jeshile për hapjen e bisedimeve të pranimit të Shqipërisë dhe Maqedoninë në familjen europiane. Komisioni Europian rekomandoi në prill se Shqipëria dhe Maqedonia kanë bërë mjaftueshëm progres për të garantuar fillimin e negociatave për anëtarësim në BE.
Ministri i Jashtëm holandez Stef Blok pranoi se të dy vendet kanë bërë “përparim të rëndësishëm”. “Por, në të njëjtën kohë, ata nuk janë ende ku duhet”, tha Blok. “Ne duam të shohim një rekord në luftën kundër korrupsionit dhe sundimit të ligjit”.
Nderkohe, Michael Roth, ministri i punëve të Jashtme të Gjermanisë, tha para mbledhjes për gazetarët se të dy vendet kanë bërë “përparim të dukshëm në fushën e sundimit të ligjit dhe pavarësinë e gjyqësorit”, prandaj Gjermania mbështet nisjen e procesit.
“Unë mund t’i bëj apel edhe një herë miqve tanë në Holandë dhe Francë që të mos qëndrojnë në rrugën e një konsensusi të nevojshëm”, tha Roth para një takimi të ministrave të punëve të jashtëm të bllokut.
Roth tha se megjithatë ishte optimist se ministrat mund të bien dakord të martën, duke vënë në dukje se Gjermania ka propozuar një kompromis.
“Sot mund të ngremë disa çështje dhe mund të qartësojmë se veçanërisht Shqipëria duhet të përmbushë disa parakushte për hapjen e kapitujve për negociatat”, tha ai.
