14 fanella të përfaqësueses së Kolumbisë janë sekuestruar nga autoritet vendase në aeroportin e kryeqytetit Bogota, pasi brenda tyre ishte fshehur një sasi e madhe kokaine.
Fanellat kishin si destinacion qytetin e Groningenit, në Holandë, ku do të zhvillohej një ndeshje futbolli dhe në secilën prej tyre ishin fshehur 5 kg kokaine. Fanellat ishin përzier me të tjera veshje tradicionale kolumbiane.
Interesant fakti që uniformat ishin të njëjta me ato që po përdorin të besuarit e Pekerman në Botëror.
Policia ka shpjeguar se me anë të një procesi kimik, trafikantët e përziejnë drogën me veshjen dhe më pas e çlirojnë prej saj pa humbur asnjë gram.
Në pamje të parë, një tifoz i thjeshtë futbollin nuk dallon asgjë të rrezikshme te këto fanella, por dyshimi lindi për shkak të destinacionit të ngarkesës. Kolumbia është prodhuesi më i madh i gjethes së kokës në botë, që është lëndë e parë prodhimin e kokainës.
Sekuestrohen fanellat e Kolumbisë, ishin mbushur me kokainë
Lajme të lidhura
TË GJITHA
