Ndeshjet e dyta të grupeve të kampionatit Botëror sjellin një sfidë mjaft interesante. Zvicër-Serbi do të luhet nesër e vlefshme për grupin e këtij kompeticioni.
Skuadra zviceriane ka në përbërje 4 futbollistë shqiptarë, të cilët e ndiejnë më shumë se kushdo rëndësinë e kësaj ndeshjeje.
Megjithatë prezenca e tyre nuk shihet me sy të mirë nga pala serbe.Mediat e këtij vendi po i japin ndeshjes ngjyra politike.
Ata kanë shënjestruar Xhardan Shaqirin dhe postimet e tij në internet.”Blic” është kapur kryesisht me fotot e kepucëve me flamuj të Zvicrës e Kosovës.
Gjithashtu citon edhe një artikull të gazetës Tages Anzeiger me titull “Shaqiri sapo nisi një luftë kundër Serbisë”, duke e cilësuar si provokim drejtuar serbëve dizajnin specifik të këpucëve të tij të futbollit.
