Orët më kritike për deputetin e PS-së, Paulin Sterkaj duket se kanë kaluar.
Deputeti i Shkodrës pësoi një ishemi cerebrale ditën e djeshme gjatë kohës që ndodhej në mbledhjen e Grupit Parlamentar të Partisë Socialiste dhe u shtrua me urgjencë në spitalin e Neuroligjisë pranë QSUT-së, aty ku po mbahet nën kujdesin e mjekëve.
Burime pranë këtij spitali bëjnë me dije se sot gjendja shëndetësore e deputetit paraqitet e stabilizuar.
Ai mund të flasë dhe mund të lëvizë. Megjithatë, bluzat e bardha rekomandojnë që deputeti të qëndrojë i shtruar edhe për disa ditë të tjera, për të parë reagimin e tij.
Goditja ka qenë e papritur si për të, ashtu edhe për familjarë e miq që i janë gjendur pranë në këto çaste kritike.
Sterkaj i ka treguar kolegëve se që ditën e hënë kishte pasur një luhatje tensioni të cilën nuk e kishte vlerësuar siç duhet, ndërsa të martën është dashur që shërbimet e Kuvendit të thërrasin një autoambulancë e ta çojnë me urgjencë drejt spitalit, pasi gjendja e tij u përkeqësua.
