Njëzet e katër orë pasi Brazil bëri ankesë për vendimet e gjyqtarëve në ndeshjen kundër Zvicër, FIFA është përgjigjur, edhe me letër, duke hedhur poshtë pretendimet e amerikano-jugorëve dhe duke refuzuar t’iu dërgojë atyre audion e VAR-it, siç kërkoi Federata e Futbollit të Brazilit.
FIFA e ka informuar Brazilin se arbitrimi ishte i saktë, se të gjitha veprimet e diskutueshme janë shqyrtuar nga VAR dhe se pretendimet e ngritura nuk qëndrojnë. Përveç kësaj, ai refuzoi të dërgojë audion e VAR-it në Federatën e Futbollit të Brazilit, duke pretenduar se ajo është pjesë e “privatësisë së arbitrimit” dhe se “do të shkelte rregullat e konkurrencës”.
Në këtë mënyrë, FIFA refuzon kërkesën e parë të një kombëtareje në këtë Kupë Bote, në të cilën VAR-i ka ndihmuar në pikë dhe akordimin e tri penalltive. “Niveli i arbitrave është i jashtëzakonshëm dhe me VAR asnjë ekip nuk mund të ndihet i lënduar, pas ndeshjeve të para”, – theksojnë nga Komiteti i Kompeticionit të FIFA-s.
