Nga Boldnews.al
Partia Demokratike denocoi sot rastin e katër deputetëve të PS-së që sipas tyre kanë fituar tendera publik, në kundërshtim me ligjin. Ndër ta janë i “mirënjohuri” Ilir Beqaj, Sadri Abazi, Xhemal Qefalia dhe Pjerin Ndreu.
“Rasti më i fundit është ai i shpalljes fituese të kompanisë “Intech+”, e zotëruar de facto prej Beqajt. Në një tender pa asnjë konkurent, shoqëria e ish ministrit që rrënoi shëndetësinë, u shpall fituese për 1 mld e 362 mln lekë ose 1,1 mln euro, duke patur ofertë gati të njëjtë me fondin limit, pa i kursyer buxhetit gati asnjë qindarkë. 1.1 milionë euro, të fituara së fundmi nga taksat e rritura të shqiptarëve, i shtohen pasurisë së Ilir Beqjes, i cili, që kur Rama është bërë kryeministër, ka përfituar tedera me vlerë 29 milionë euro”-deklaroi Partia Demokratike. Më pas renditi edhe emrat e tre deputetëve të tjerë, Ndreu, Qefalia dhe Abazi, që në total sipas opozitës kanë përfituar 78 milionë euro tendera publik.
Në një rast të tillë dënocimi nëse Gjykata Kushtetuese do ishte në funksion, kjo çështje mund të shkonte për interpretim nga elita e gjyqësorit. Aktualisht Gjykata Kushtetuese është me vetëm tre anëtarë, dy të konfirmuar në detyrë dhe tjetri që pret vettingun, e me gjasë mund të mbesë me vetëmj dy anëtarë. Praktiakisht ky institucion është nul prej më shumë se tre muajsh.
Në vitin 2011 Gjykata Kushtetuese i hoqi mandatin deputetit të PS-së Ilir Beqaj, pasi kompania e drejtuar prej tij në atë kohë kishte fituar tender publik në Bashkinë Durrës, për instalimin e teknologjisë, konkretisht të sistemit komjuterik. PD pretendon se në vijim këta deputetë kanë përfituar tendera publik në vlera të mëdha. Ndërsa të njëjtin fat, duke iu hequr mandate në vitin 2016 pati edhe deputeti tjetër socialist Koço Kokëdhima, pasi Gjykata Kushtetuese konstatoi se gjatë kohës që kishte marrë mandatin, kompania e tij kishte fituar një tender publik.
Nuk është rastësi që Gjykata Kushtetuese u shkallmua e para, pasi ishte institucioni që mund të vendoste “diktatin” në paligjshmërinë e madhe që po ndodh në vend, për shkak të reformës në drejtësi. I gjithë sistemi gjyqësor aktualisht është në kolaps, pasi pritet kryerja e vettingut që më pas të nisë ngritja e institucioneve të reja të drejtësisë dhe plotësimi i vendeve vakant në Gjykatën Kushtetuese. Deri në formimin e plotë me nëntë anëtarë të Kushtetueses, deputetët mund të vijijnë të marrin pjesë në tendera publik, duke qene haptas në konflikt interesi dhe të gëzojnë milionat e fituara, pasi ska kush i gjykon…
