Një sherr midis shqiptarëve e tunizianëve ka shkaktuar rrëmujë të madhe në një burg të miturish pranë Bolonjës.
Katër të burgosur, shqiptarë e tunizianë, u përfshinë në sherr gjatë darkës, duke përdorur karrige e sende të tjera.
Policia e burgut ndërhyri menjëherë, por katër policë mbetën të plagosur, njëri i goditur me karrige, dhe u detyruan të thërrisnin në ndihmë edhe policët jashtë shërbimi, pasi të burgosurit e tjerë refuzonin të ktheheshin në qelitë e tyre.
Sherri nisi për shkak të njërit prej të burgosurve, shtetësia e të cilit nuk është bërë e ditur, i cili më parë ishte largua nga struktura për shkaqe rendi e sigurie.
Edhe mbrëmjen e mëparshme ishin vënë re momente tensioni për shkak të tij.
Autoritetet kanë kërkuar dënim shembullor për të burgosurit e përfshirë në sherr, ndërkohë që kanë shprehur edhe pakënaqësinë për rikthimin e personit të larguar më parë si shkaktar trazirash.
