Ish-kryeministri Fatos Nano ka treguar një histori interesante rreth rinisë së tij në periudhën e komunizmit, për atë që njihet si radha e qumështit.
Intervista e dhënë disa vite më parë për emisionin ‘Opinion’ në Tv Klan është rikthyer dje në lidhje me ‘rrënimin ekonomik në komunizëm’, e cila është edhe tema e emisionit të së enjtes.
Për të shpjeguar në një mënyrë krejt të thjeshtë këtë situatë, Nano rrëfente se në komunizëm, ngrihej në orën 2 të natës, një herë në tre ditë dhe aq ‘hile’ sa i lejonte ajo kohë, për shkak të biçikletës vendoste shishe bosh të qumështit në radhë në tre dyqane, duke kuptuar përpara se cilat ishin oraret e furnizimit të lokaleve.
Ai tregoi se ndiqte makinën e furnizimit nga ‘Shkolla e Kuqe’ ku ishte dyqani më i afërt, deri diku tek rruga e Elbasanit, ndërsa arrinte të merrte deri në orën 4 e 30 të mëngjesit, 9 shishe shumështi.
“Ne ishin një familje prej 8-vetash, familja konsumonte rreth 3 litra në ditë”,- tha Nano.
