Teatër 30 milionë euro? Ndrenika zbulon manipulimin: Qeveria gënjen, maksimumi shkon 10-15 mln €

Shifra prej 30 milion eurosh që kreu i Bashkisë së Tiranës Erion Veliaj dha si kosto për ndërtimin e një teatri të ri kombëtar nuk bindi aktorin e madh Robert Ndrenika.

Në tryezën e diskutimit, Ndrenika i tha Veliaj se ata që ja kanë bërë llogaritë e kanë gënjyer.

“Është Monument Kulture dhe oborri, edhe pishat, edhe pishina, mund të riparohet dhe mund të dalë një gjë e shkëlqyer dhe jo me 30 milion euro. E kam bindjen zoti Erion se të kanë gënjyer me ato 30 milion eurot pavarësisht se the 4-5 fish, nuk është e vërtetë ajo. Maksimumi mund të shkojë 10-15 milion euro ai Teater qe duan te bejne”.

Faleminderit juve, faleminderit Presidentit të Republikës që bëri një thirrje dje për marrëveshje, për të dëgjuar njeri-tjetrin. Kam vuajtur shumë gjatë kësja kohe, kam parë projektin, kam dëgjuar komunitetin, por kam vuajtur me atë partneritetin publik-privat.


Sepse e dhashë shtëpinë tek një partneritet publik-privat dhe kam ndenjur tre vjet gjyqeve. Kam vajtur dhe tek ish-ministri i Brendshëm Petro Koçi që nuk ma vari fare…Pra kam vuajtur shumë.

Mendoj se nuk ka ndonjë gjë të keqe të ruhet,, siç është ai pazari i vjetër, që e ruan atë imazhin, pra, është i dikurshmi po i rregulluar, nuk i vjen më era… Zamira mund të na thotë që është bërë edhe ai pazari i ri i Korçës që më thanë është bërë i shkëlqyer.

Pra, edhe ky yni, që është monument kulture me atë oborrin, pishat…mund të riparohet dhe të dalë i shkëlqyer. Dhe kam bindjen z. Eron se të kanë gënjyer për ato 30 milionë eurot që duhen, se maksimumi mund të duhen 10 milionë euro”.

PËRGJIGJU

Please enter your comment!
Please enter your name here