Arrihet marrëveshja mes Greqisë dhe Maqedonisë për çështjen e emrit. Kryeministri i Maqedonisë Zoran Zaev, në një deklaratë për mediat tha se nga sot “do të quhemi Republika e Maqedonisë së Veriut”.
“Sot është një ditë me e mirë për Maqedoninë, më shumë perspektivë dhe ditë më të mira për Maqedoninë po vijnë. Kemi një marrëveshje historike mes Greqisë dhe vendit tonë. Me këtë marrëveshje do të kemi identitetin, gjuhën dhe kulturën tonë. Nga sot e tutje nuk do të quhemi më FYROM-as, por maqedonas. Nga sot emri i ri i do të jetë Republika e Maqedonisë së Veriut, nacionaliteti maqedonas, gjuha maqedonase dhe po ashtu do të përkthehet në të gjitha gjuhët e botës”, tha Zaev.
Konflikti për emrin e Maqedonisë tashme shkon drejt zgjidhjes dhe i jep fund debatit 20-vjeçar dhe problematikave dypalëshe. Pas zgjidhjes së konfliktit pritet që Maqedonia të ketë më shumë gjasa për hapjen e negociatave me BE-në, për integrimin.
