Një shqiptar nga Kosova me detyrë punonjës policie në këtë ka mundur të shpëtojë nga mbytja një të ri që rrezikohej në bregdetin e Tales në Lezhë.
Anton Cena, është emri i shpëtimtari i të riut që u rrezikua të mbytej ndërsa lahej në ujerat e detit të Tales, duke sjellë në vëmendje problematikën më vrojtuesit e detit edhe në këtë zonë turistike.
Pasi është siguruar për jetën e të riut që iu rrezikua jeta ndërsa lahej në det, Cena përmes një postimi në Facebook ka shkruar se djalin e kishte parë duke u mbytur në det dhe menjëherë ka ndërhyrë duke e nxjerrë në breg dhe duke i dhënë ndihmën e parë.
Polici që ndodhej rastësisht për pushime në bregdetin e Tales ka shpjeguar se çfarë ka ndodhur në të vërtetë. Nëpërmjet rrjetit social, Anton Cena shkruan:
Duke lexu në plazhin e Tales dëgjova që dikush kërkonte ndihmë, hedha shikimin në det dhe pashë një të ri duke u mbytur, vrapova deri te uji dhe hedha në ujë, e tërhoqa buzë detit ja nxora ujin nga stomaku dhe e barta në ulse, ja qetësova frymarrjen, kontrollova pulsin dhe e drejtova për në spitalin e Lezhes.
“Për të gjithë ata që nuk e zotërojnë mirë notin dhe ata që janë notues të mirë kurrë mos hyni në ujë pa përcjellës edhe mos notoni larg plazhit! Kampioni”, ka përfunduar ai.
Pavarësisht se tashmë kemi hyrë zyrtarisht në sezonin turistik të verës, në bregdetin e Lezhës ende nuk janë realizuar kullat e vrojtimit dhe aq më shumë për të folur për efikasitet pasi mungojnë edhe vrojtuesit e detit.
Kjo është situatë e ngjashme në Tale dhe në Shëngjin dhe ende nuk ka një kohë të përcaktuar se kur do të jetë gjithçka gati.
Rasti i sotëm, në bregdetin e Tales ka sjellë në vëmendje edhe një tjetër problem dhe ka të bëjë më mungesën e autoambulancës në këtë zonë turistike. Për të dërguar të riun drejt ambulancës që ndodhet në zonën e Grykë Lumit është dashur transportimi i tij me një makinë private dhe pa përdorur elementet bazë të dhënies së ndihmës së parë.
Për zonën turistike të Tales, Ministria e Shëndetësisë ka përcaktuar vetëm vendosjen e një krevati dhe të një ndihmës mjeku shtesë në ambulancën numër 1 që ndodhet në zonën e Gryjë Lumit.
