Batutat me një gjuhë të ulët nuk kanë munguar as në takimin e sotëm të Kryeministrit në Lushnje, ku u ndal këtë të shtunë në kuadër të fushatës së komunikimit, të ashtuquajtur “llogaridhënia publike”.
Stilin arrogant dhe “unë Zoti që i di të gjitha”, kreu i qeverisë nuk harroi vishte si kostum në takimin e sotëm me banorë të Lushnjes.
Është rasti të mësosh diçka, edhe unë nuk e kam ditur e kam mësuar, mëso dhe ti nga unë!”, iu drejtua Rama një qytetari, i cili i shprehu një shqetësim lidhur me taksat.
Në një tjetër moment, shikimin e Ramës e tërheq një qytetar, i cili kërkon të marrë mikrofonin për ti shprehur “të madhit” shqetësimin e tij.
“Ti mos u mërit pse mërzitesh, ti je rehat. Fjala merret me dorë jo duke u ngritur në këmbë”, e korrigjon kreu i Qeverisë.
Ndërsa në një tjetër replikë me një qytetar, Rama shprehet: “Po mirë ti do muhabet tani, do interesohem dhe do të them… Mendjen ma mbushe që duhet të interesohem, ca do tani ta derdhësh?!”
Një tjetri, i cili flet me emra për drejtues institucionesh që sipas tij nuk e kryejnë detyrën siç duhet, Rama i përgjigjet: “E nise shumë mirë. Mbaje lart bisedën tani, mos e ço te Kasapi”…