Ministri i Administratës Publike në Qeverinë e Serbisë, Branko Ruzhiç ka ngushëlluar për vdekjen e Kryetarit të Federatës së Futbollit, Fadil Vokrri.
Ruzhiq përmes një statusi në Twitter, e kujtoi Vokrrin si një njeri të ndershëm.
“Ishe vëlla i ndershëm, mik, njeri dhe Partizanas me zemër. Falemnderit Fadil për të gjitha. Prehu në paqe”, shkroi Ruzhiç.
Vokrri gjatë viteve të 80-ta ka luajtur për ekipin serb të futbollit ‘Partizani’ dhe kështu po e kujtojnë qytetarët e Beogradit në kohët e arta kur ai shkëlqeu në këtë ekip.
Ai vdiq pasi nuk i mbijetoi sulmit në zemër që ka pësuar në mëngjesin e sotëm.
