Babai i tij ka fituar pesë herë Topin e Artë dhe konsiderohet si një ndër futbollistët më të mirë në historinë e futbollit, por edhe i biri nuk duket keq. Cristiano Ronaldo ishte shumë i lumtur pas fitores së Portugalisë kundër Algjerisë të enjten, por në përfundim të ndeshjes u lumturua edhe më shumë kur pa djalin e tij të madh, 7 vjeç, të kopjonte një nga akrobacitë e tij e të shënonte më roveshiatë…
Ronaldo Jr. dhe djali i një lojtari tjetër të Porgugalisë morën topin pas ndeshjes dhe filluan të luanin me njëri-tjetrin. Në një moment, vetë CR7 i jep një asist të birit i cili kopjon (pak a shumë) golin e të atit kundër Juventusit në Champions League dhe dërgon topin në rrjetë…
Pa diskutim, mënyra më e mirë për të mbyllur përgatitjet për Kupën e Botës, ku Portugalia luan në grupin B kundër Spanjës më 15 qershor në Sochi, kundër Marokut në “Luzhniki” pesë ditë më vonë dhe kundër Iranit që drejtohet nga ish-trajneri i Porgugalisë Calors Queiroz, në Saransk më 25 qershor.
https://www.youtube.com/watch?v=1GKtZxmW4uw
