Florian Marku ka mundur serbin Sladan Dragisic në ndeshjen e MMA-së që është zhvillur të enjten në mbrëmje në pallatin e sporteve “Asllan Rusi”.
Kjo ka qenë fitorja e shtatë për kampionin shqiptar në po kaq ndeshje të zhvilluara deri tani. Marku kishte premtuar se do ta fitonte këtë takim me “K.O.”, ashtu siç ka bërë në takimet e mëparshme.
U tha, u bë. Shqiptari ka mbajtur fjalën dhe i kanë mjaftuar vetëm 90 sekonda për të mposhtur rivalin serb, i cili ka pësuar humbjen e tij të tetë në karrierë.
