Deputeti i Partisë Demokratike, Ervin Salianji i ftuar në “360 Gradë” në Ora News, tha se do të ketë zhvillime të reja për atë që ai e quan skandalin Xhafaj.
“Me sa duket do ketë një thellim të skandalit Xhafaj. Të gjithë elementët e deri sotëm tregojnë që jo vetëm vëllai i ministrit të Brendshëm e ka vazhduar aktivitetin kriminal duke qenë një nga kapot në Vlorë, por vëllai i vet ka qenë ministër dhe sot pas daljes së audio-përgjimit ka vendosur gjithë infrastrukturën shtetërore për të ndihmuar vëllain e vet dhe për të mbyllur skandalin”, tha ligjëvënësi.
