Kënga e Rita Orës, ‘Girls’ në bashkëpunim me Charlie XCX, Bebe Rexha dhe Cardi B ka ardhur me një klip muzikor. Një projekt që u komentua gjatë për tematikën është finalizuar nga vajzat që janë përpjekur të sjellin frymë verore me veshjet e tyre.
Rita Ora shfaqet në një ambient të mbushur me vajza të ndryshme, ndërsa ka skena erotike ku femrat prekin njëra-tjetrën. Charlie gjendet në një ambient të zi ku i jepet rëndësi imazhit të saj. Ndërsa Bebe Rexha shfaqet me të kuqe për të treguar femrën joshëse dhe seksi.
Reperja e famshme Cardi B ka dalë në një imazh të madh ku duket sikur flet me Ritën dhe në fund përfundojnë me puthje.
