Një vendim qesharak është regjistruar në Bullgari. Euronews raporton se ky shtet ka dënuar me vdekje një lopë. Dënimi është dhënë pasi lopa kaloi kufirin dhe doli jashtë territorit të BE-së nga ana e Serbisë, por nuk kishte dokumente kur kishte tentuar të kthehej në Bullgari.
Lopa e destinuar të ngordh quhet Penka dhe i përket fermerit bullgar Ivan Haralampiev. Ajo hyri në Serbi pa u vënë re nga rojet kufitare. Penka ishte vërejtur në territorin e Serbisë nga një fermer serb që e kishte kthyer te pronari.
Por, autoritetet bullgare kishin thënë se sipas rregullave të BE-së, Penka nuk duhej të futej në vend. Lopa u kontrollua te veterineri, i cili tha se duhet të vritet pasi kishte dalë nga Bashkimi Europian duke thyer ligjin.
