Trajneri i Egjiptit, Hector Cuper, e ka mbrojtur sulmuesin Mohamed Salah pas talljes së Sergio Ramosit me reagimet ndaj ndërhyrjes së tij ndaj yllit të Liverpoolit në finalen e Ligës së Kampionëve.
Salah dëmtoi krahun pas një dueli me kapitenin e Real Madridit, Sergio Ramos, duke e tronditur gjithë Egjiptin para Kupës së Botës.
Duke u përgatitur për Botërorin, mbrojtësi i Spanjës, Ramos, pohoi se Salah mund të vazhdonte lojën sikur të merrte një injeksion, derisa i talli “Të kuqtë” për justifikimet.
Megjithatë, Cuper beson se Salah do ta kishte vazhduar ndeshjen sikur të mos dëmtohej,
“Unë nuk jam doktor, nuk e di nëse Ramosi është doktor. Salah luajti në finale dhe u dëmtua”, tha Cuper.
“Nuk kam asnjë dyshim se Salah do ta vazhdonte ndeshjen sikur të mundte, sepse finalja e Ligës së Kampionëve është e jashtëzakonshme”, shtoi ai.
