Edi Paloka, Nënkryetari i PD-së, e ka qësendisur siç ai e ka zakon të shprehet zakonisht, qëndrimin ‘e patëkeq’ që Kryeministri dhe dy deputetë-avokatë të tij po mbajnë nga sistemit të drejtësisë. Paloka ka arritur deri aty sa të shprehet se shteti i Ramës dhe Vasilikës ia ka kaluar edhe diktaturës, pasi edhe tek kjo e fundit, qoftë edhe formalisht, gjykatat ekzistonin.
“Drejtësia në kolaps, – shkruan Paloka teksa komenton qendrimin e deputetes Vasilika Hysi. – Del në skenë prapë avokatja e kauzave të dëshpëruara: “Nuk ka asnje problem që vendi është pa Gjykatë Kushtetuese, madje nuk ka problem po mbeti dhe pa Gjykatë të lartë…”
E kam shkruajtur në një tjetër status që Rama përdor dy “avokatë” për çështjet e pambrojtshme. Të parin përdor Ballën, që ka pafytyrësinë si tipar dallues dhe kur çështja është aq e rëndë sa as i pafytyri nuk e merr përsipër, nxjerr “juristen” që e ka vënë Nënkryetare parlamenti vetëm që ta përdorë kur i duhet. E vënë përballë një gazetareje mbrëmë, përfaqësuesja e Ramës bëri të paktën dy deklarata skandaloze me qetësi absolute.
E pyetur për mosfunksionimin e Gjykatës Kushtetuese dhe rrezikun që kjo situatë të verifikohet dhe me Gjykatën e Lartë, avokatja e Ramës u përgjigj me qetësi se “asnjë problem nuk krijohet…”.
Edhe në diktaturë, gjykatat funksiononin qoftë dhe formalisht. Në “shtetin” e Ramës dhe Vasilikës nuk paska nevojë…”përfundon me ironi, Paloka.
