Operacioni në veshka, Melania Trump bën daljen e parë publike pas gati 1 muaji

Zonja e Parë Melania Trump pritet të marrë pjesë në një event në Shtëpinë e Bardhë mbrëmjen e së hëhës për të nderuar familjarët e Gold Star.

Marrja pjesë në këtë event do të shënojë herën e parë që Melania Trump do të marrë pjesë në një event zyrtar që nga data 10 maj, kur çifti presidencial mirëpriti në Shtëpinë e Bardhë amerikanët e liruar pasi u rrëmbyen nga Koreja e Veriut.

Katër ditë më vonë ajo u shtrua në spital ku iu nënshtrua një operacioni në veshka. Ajo qëndoi në spital për 5 ditë për tu kthyer në Shtëpinë e Bardhë më 19 maj.

Që atherë zonja Trump  nuk është parë në publik dhe nuk iu bashkua Presidentit, fëmijëve të tij Donald Trump Jr dhe Tiffany Trump, vajzën dhe këshilltares Ivanka Trump, si edhe dhëndrit dhe këshilltarit të lartë Jared Kushner, në Camp David këtë fundjavë.

Pavarësisht pjesëmarrjes së saj të planifikuar në ngjarjen e së hënës, zonja e parë nuk do të udhëtojë për në samitin e G7 këtë vit apo në ti bashkohet Presidentit kur ai të shkojë në Singapor për samitin e planifikuar të 12 qershorit me udhëheqësin e Koresë së Veriut Kim Jong Un.