Dalin në dritë detaje të reja nga ngjarja e Sarandës ku një person u plagos me armë zjarri gjatë orëve të para të mëngjesit të kësaj të shtune.
Personi i plagosur është shtetasi Adrian Rako 31-vjeç nga Konispoli. Mësohet se ky person shërbente si truprojë pranë një diskoje të njohur në Sarandë ku ndodhi ngjarja.
Në lokal dyshohet se ka pasur një konflikt dhe një prej personave të përfshirë ka qëlluar me armë. Truproja i diskos u prek në shpatull nga një plumb rikoshet. Fatmirësisht ai është jashtë rrezikut për jetën.
Ndëkorhë, policia ka sekuestruar një mjet tip “BMW” që dyshohet se i përket autorit.
