Sekretari amerikan i Mbrojtjes Jim Mattis ka kritikuar militarizimin e ishujve në Detin e Kinës Jugore. Shefi i Pentagonit tha se sistemet e armëve që janë dislokuar kohët e fundit në këtë zonë synojnë të frikësojnë dhe t’u imponohen vendeve fqinje të Kinës.
Zoti Mattis i bëri komentet në Singapor në një fjalim që mbajti sot në kuadër të Dialogut Shangri-La, një forum i përvitshëm për mbrojtjen në Azi. Ai parashtroi gjithashtu strategjinë amerikane për “një rajon indo-paqësor të lirë dhe të hapur”.
Sekretari i Mbrojtjes foli për dislokimin e raketave tokë-ajër dhe sistemeve sulmuese anti detare, i zhurmusëve elektronikë si dhe dërgimin e një avioni bombardues në ishujt Paracel në brigjet e Vjetnamit si shembujt të drejtpërdrejtë të politikave frikësuese të Pekinit.
Këto veprime, tha Sekretari Mattis, bien ndesh me zotimet Presidentit Xi në Shtëpinë e Bardhë në vitin 2015 se Kina do të shmangte veprime të tilla provokuese. /VOA/
