Pasi e ndaluan kufitarët serbë, Eliza Hoxha ka treguar në detaje kontrollet e policëve kufitarë serbë që ndaluan tri fotografi të saj dhe katalogun që pritej të ekspozohej në festivalin “Mirdita, Dobar Dan” në Beograd.
“Momentin kur e kanë marrë këtë çantën me katalogë edhe e kanë çelë, dhe i kanë pa aty fotografitë. Aty filloi tronditja. Ideja se çka ka në ato punime. Iu tregova se punimet janë të njëjta si ato të katalogut”, ka thënë Hoxha për KTV.
“Halë në sy e patën fotografinë që vjen prej protestave ku shihet afishja me UÇK”, ka vazhduar tutje ajo.
Hoxha ka treguar se ishin disa prej simboleve të UÇK-së, vargje të Ali Podrimjes dhe fotografi nga pavarësia e Kosovës që, siç tregon ajo, kishin “destabilizuar” kufitarët serbë.
Fotografitë e flamujve të Kosovës dhe Shqipërisë ndalohen në kufirin me Serbinë
Tri fotografi të Eliza Hoxhës në të cilat shihen flamujt e Kosovës dhe Shqipërisë nuk janë lejuar në kufirin me Serbinë si pjesë të ekspozitës që pritet të mbahet në festivalin “Mirdita, Dabar Dan” në Beograd.
