Albert Veliu i njohur si ‘Dëshmitari X’ është ndaluar gjatë ditës së sotme bashkë me djalin e tij në Kosovë.
Por edhe pse lajmi bëri xhiron e medias, asnjë nuk dha ndonjë shkak se pse është arrestuari Veliu në qytetin e Shtimes.
Nuk dihet ende se kush ka dhënë urdhërin për arrestimin e tij, pasi Policia e Kosovës është shprehur se menjëherë sapo është arrestuar kanë njoftuar autoritetet shqiptare.
Reagimi i Prokurorisë:
Në dijeninë tonë si Prokurori e Përgjithshme nuk ka.
Prokuroria për Krime të Renda po kryen hetime në procedimin penal Nr. 95/2018 regjistruar për veprën penale te “Trafikimit te narkotikeve” parashikuar nga neni 283/a i Kodit Penal.
Ndaj shtetasit Albert Veliu nuk ka urdhër ndalimi apo urdhër për ekzekutimin e ndonjë vendimi të Gjykatës për Krime të Rënda.
Por zëdhënësi i Policisë së Kosovës, Baki Kelani, ka thënë se Policia bazuar në autorizimet ligjore, dje ka ndaluar dy qytetarë të Republikës së Shqipërisë, të cilët janë trajtuar sipas procedurave të parapara me ligj.
‘Babalja’ është arrestuar me urdhër të prokurorisë së Krimeve të Rënda të Shqipërisë.
Ai pritet t’i dorëzohet autoriteteve në Shqipëri.