Kreu i grupit parlamentar të LSI-së Petrit Vasili ka një pyetje për analistët që dyshojnë në vërtetësinë e audio-përgjimit që implikon Agron Xhafajn, vëllain e ministrit të Brendshëm Fatmir Xhafaj.
Ndërsa thotë se për audio-përgjimin nuk dyshon as qeveria, Vasili pyet se çfarë kanë ata që marrin mbi vete hallin e kryeministrit.
Nga ana tjetër, deputeti i LSI-së akuzon kryeministrin Edi Rama se bën hetime paralele duke shkelur Kushtetutën si sigurimi i shtetit para 90’ës.
STATUSI I VASILIT
Për audio përgjimin nuk dyshon as qeveria, por për çudi dyshojnë ca të tjerë….
Për audio përgjimin nuk dyshon fare qeveria dhe ky është fakt.
Ca të tjerë…dyshojnë. Po këta ç’kanë.
Qeveria nga që s’ka asnjë dyshim, e bën kryeministrin të gënjejë dhe të thotë që gjoja e ka bërë ai vetë verifikimin, duke i nxjerrë bojën prokurorisë dhe duke thënë që:
1. Nuk e tregon dot agjencinë ku ka bërë verifikimin.
2. Nuk tregon dot kush ja dha audio përgjimin origjinal.
3. Nuk tregon dot kush e pagoi verifikimin.
4. Nuk tregon dot pse filloi hetimin kur qeveria e tij është nën hetim.
5. Nuk tregon dot pse shkel kushtetutën dhe shkel me këmbë reformën në drejtësi dhe bën hetime paralele si sigurimi i shtetit para viteve 90′.
Këto janë të vërtetat që kryeministri i ka pranuar. Vetëm ca të tjerë… që nuk ndodhën fare në qeveri nuk i pranojnë dot.
Po ç’kanë këta që marrin mbi vete me kaq zell hallin e kryeministrit…sigurisht një hall e kanë.
Të presim e të shohim.
