Nga Boldnews.al
Droga, jo vetëm hashashi por edhe kokaina ka shpërthyer aq shumë sa edhe akuzat politike nuk bëhen më: “Ju jeni të korruptuar”, por: “ju jeni të përfshirë në trafikun e drogës…”. Fjalën drogë, e veçanërisht kokainë, kryeministri nuk e ndan dot në çdo dalje publike, për aq kohë sa dy ministrat e brendshëm në qeverinë Rama 1 dhe 2, jënë të akuzuar në përfshirjen direkt ose indirekt në trafikun ndërkombëtar të narkotikëve.
Por në këtë rast mbrojtja më e mirë për Ramën është sulmi, duke hedhur në tregun e tallavasë politike një shashkë për konsum ditor. Pronarin e “Arbri Garden”, Arbër Çekajn të cilit iu kap në magazinën e tij me banana 613 kilogramë kokainë në Maminas të Durrësit, kërkon ta implikojë me Partinë Demokratike, madje drejtues të saj të lartë…
“Procesi tashmë ka hyrë në një fazë të re me arrestimin e personit që është identifikuar si koka e trafikut (Arbër Çekaj). Unë disponoj, kuptohet në rrugë operative, por janë të mjaftueshme për të kuptuar se përse është gjithë ky acarim. Sepse ka dyshime shumë të arsyeshme që të çojnë drejt njerëzish shumë të lidhur me rangjet më të larta të PD”-deklaroi Rama. Në çdo rast kryeministri gaboi. Së pari, nëse është e vërtetë për këtë lidhje hipotetike, atëherë nxorri një sekret të rëndësishëm hetimor. Nëse kjo është një mashtrim, atëherë përsëri nuk i shmanget dot përgjegjësisë dhe tentativës për të larguar vëmendjen nga dyshimet se Agron Xhafaj, vëllai i Ministrit të Brendshëm Fatmir Xhafaj mund të jetë përfshirë në trafikun e lëndëve narkotike.
Ai aktualisht ndodhet në Itali për të vuajtur dënimin e formës së prerë me 7.2 vjet burgim për trafik ndërkombëtar të lënvëe narkotike, kryesisht kokainë nga Europa në SHBA. Në një vend normal, kreu qeverisë rrezikonte të procedohet penalisht për “nxjerrje të sekretit hetimor”, ose nëse rezulton një bllof në politikën ditore, atëherë do procedohej sërish për “deklarim të rremë”.
